Osmani e Pratipatti bisedojnë për zhvillimet e fundit në vend
M.M./ RTKlive
Presidentja e vendit, Vjosa Osmani, ka pritur sot në takim të ngarkuarën me punë të SHBA-së, Anu Prattipati.
Në një njoftim për medie nga zyra e Presidencës bëhet e ditur se gjatë takimit u diskutua për zhvillimet e fundit në vend dhe për mbajtjen e zgjedhjeve te parakohshme.
“Presidentja theksoi rëndësinë e mbarëvajtjes së procesit zgjedhor dhe respektimit të standardeve më të larta demokratike”, thuhet në njoftim.
Në takim u trajtuan, gjithashtu, edhe çështje të ndryshme të bashkëpunimit bilateral, me ç’rast presidentja Osmani ritheksoi përkushtimin e plotë për forcimin e partneritetit me aleatin më të rëndësishëm strategjik.
Ndryshe, presidentja Osmani ka bërë të ditur sot se ka caktuar 28 dhjetorin, si datë për zgjedhjet e jashtëzakonshme. Ajo ka theksuar se kjo datë është më e përshtatshmja për mbajtjen e zgjedhjeve.























