Sami Kurteshi pengon gazetarët, AGK: Kjo sjellje është e papranueshme
G.K/RTKlive
Asociacioni i Gazetarëve të Kosovës (AGK) ka deklaruar se anëtari i Vetëvendosjes në KQZ, Sami Kurteshi, ka penguar fizikisht gazetarët që ta kryejnë punën e tyre.
"AGK-ja është e shokuar me sjelljen agresive dhe dënon ashpër cenimin fizik të gazetarëve nga ana e anëtarit të Vetëvendosjes në KQZ, Sami Kurteshi", thuhet në reagimin e AGK-së.
Tutje, Asociacioni i Gazetarëve thekson se kjo sjellje është e papranueshme dhe i bën thirrje KQZ-së që të ofrojë kushte për raportim të papenguar të gazetarëve.
AGK thotë se kjo nuk është hera e parë që Kurteshi reagon kështu ndaj gazetarëve dhe kërkon nga Vetëvendosje që ta ndalojë këtë praktikë.
Ndërkohë, i pyetur nga RTKlive, vet z.Sami Kurteshi nuk ka dashur të komentojë për ankesën e AGK-së.























