19:39 / 02.02.2026
Refuzohet paraburgimi për 10 të dyshuar për falsifikim të votave
Naser Mekolli /RTKlive
Gjykata Themelore në Mitrovicë, Departamenti për Krime të Rënda, njofton se ka refuzuar sot kërkesat e Prokurorisë për caktimin e masës së paraburgimit ndaj dhjetë të pandehurve të dyshuar për “falsifikim të rezultateve të votimit”.
Të pandehurit, të cilët përfshijnë R.J., L.H., N.D., A.N., B.F., H.S., Sh.N., Y.S., D.K. dhe S.S., do të vazhdojnë të mbrohen në liri.
Bëhet e ditur se gjykata ka vendosur se, në këtë fazë të procedurës, nuk janë përmbushur kushtet ligjore për paraburgim, duke siguruar respektimin e të drejtave dhe lirive themelore të palëve në proces.























