13:55 / 15.02.2026
Martin Ponsiluoma, kampion olimpik
Fatmir Bytyqi/RTKLive
Suedezi Martin Ponsiluoma ka fituar medaljen e artë në garën e biatlonit për meshkuj në Milano Cortina 2026, duke u shpallur kampion olimpik pas një paraqitjeje të jashtëzakonshme në pistë dhe në qitje.
Ponsiluoma zhvilloi një garë shumë të fortë, duke ruajtur qetësinë në poligon dhe duke treguar ritëm të lartë në segmentet e skijimit, çka i siguroi vendin e parë në podium.
Medalja e argjendtë i takoi norvegjezit Sturla Holm Laegreid, i cili zhvilloi një duel të fortë për kreun, ndërsa francezi Emilien Jacquelin kompletoi podiumin me medaljen e bronztë.
Gara dhuroi emocione të mëdha dhe rivalitet të fortë mes emrave më të njohur të biatlonit botëror, duke shtuar spektaklin e ditës në Lojërat Olimpike Dimërore.























