Maqedonci reagon ndaj Vuçiqit: Kosova shtet sovran - realitet i pakthyeshëm
BKT
Lajme

Maqedonci reagon ndaj Vuçiqit: Kosova shtet sovran - realitet i pakthyeshëm

Naser Mekolli /RTKlive

Ministri i Mbrojtjes, Ejup Maqedonci, ka reaguar ndaj deklaratave të presidentit serb Aleksandër Vuçiq gjatë prezantimit të strategjisë “Serbia 2030”, duke thënë se pretendimet se Kosova është pjesë e Serbisë janë vazhdim i një narrative që mohon realitetin dhe mban nën tension rajonin.

Sipas ministrit Maqedonci, Kosova është shtet i pavarur dhe sovran me institucione legjitime dhe ky realitet, siç theksoi ai, është i pakthyeshëm dhe nuk mund të ndryshohet përmes deklaratave politike.

Maqedonci ka shprehur gjithashtu shqetësim për planet e Serbisë për rritjen e shpenzimeve ushtarake, investimet në armatim dhe zhvillimin e industrisë së dronëve, duke thënë se këto zhvillime, të shoqëruara me pretendime territoriale ndaj Kosovës dhe me retorikë si projekti “Bota Serbe”, rrezikojnë stabilitetin rajonal.

Ai ka përmendur edhe sulmin e armatosur në Banjska si shembull të veprimeve destabilizuese, duke theksuar se siguria dhe sovraniteti i Kosovës janë të panegociueshme.

 

 

 


MË SHUME NGA Lajme