Ndryshime të reja nga FIFA për Kupën e Botës, synohet përshpejtimi i lojës
Fatmir Bytyqi/RTKLive
FIFA ka prezantuar disa ndryshime të rëndësishme në rregullat e lojës, të cilat pritet të zbatohen në FIFA Ëorld Cup 2026.
Qëllimi i këtyre masave është përshpejtimi i ritmit të ndeshjeve dhe reduktimi i humbjes së qëllimshme të kohës nga ekipet.
Ndryshimet kryesore përfshijnë rregulla të reja për zëvendësimet, rivënien e topit në lojë dhe përdorimin e teknologjisë VAR.
Ndryshimet kryesore:
Zëvendësimet – Lojtarët që zëvendësohen duhet të largohen nga fusha brenda 10 sekondave. Nëse kjo kohë tejkalohet, lojtari që hyn në lojë do të duhet të presë 1 minutë para se të lejohet të futet në fushë.
Rivëniet anësore dhe goditjet nga porta – Topi duhet të vihet në lojë brenda 5 sekondave. Nëse kjo nuk ndodh, posedimi i topit i kalon skuadrës kundërshtare.
Trajtimi mjekësor në fushë – Lojtarët që marrin trajtim mjekësor gjatë ndeshjes duhet të dalin jashtë fushës dhe të presin 1 minutë para se të rikthehen në lojë pasi ndeshja të rifillojë.
Roli i VAR – Sistemi Video Assistant Referee (VAR) do të ketë kompetenca të zgjeruara, duke përfshirë mundësinë për të rishikuar kartonët e dytë të verdhë dhe vendimet për goditje nga këndi, në rast se konstatohet një gabim i qartë nga gjyqtarët në fushë.
Këto ndryshime synojnë ta bëjnë lojën më dinamike dhe më të drejtë, ndërsa pritet të testohen dhe zbatohen në garat ndërkombëtare përpara fillimit të Botërorit të vitit 2026.























