Prishtina feston Ditën Botërore të Librit për Fëmijë me aktivitete kreative
Shqipe Gashi|RTKlive
Sot në Prishtinë, kryetari i Komunës së Prishtinës, Perparim Rama, mori pjesë një një ngjarje të veçantë për Ditën Botërore të Librit për Fëmijë, duke nxitur imagjinatën, kreativitetin dhe dashurinë për librin te fëmijët. Ngjarja përfshiu aktivitete edukative dhe diskutime mbi fuqinë e fjalës, tregimeve dhe ëndrrave që lindin nga leximi.
Bashkë me Skënder Zogaj, Rama foli për rëndësinë e leximit në zhvillimin e imagjinatës dhe mendimit kritik te të vegjlit. Kryetari falënderoi gjithashtu për mikpritjen dhe energjinë e pjesëmarrësve.
“Faleminderit Naime për pritjen, faleminderit Skender për kohën dhe përvojën që ndave dhe faleminderit fëmijëve për energjinë dhe dashurinë,” tha ai.
Ngjarja shërbeu si një nxitje për fëmijët të dashurojnë librin dhe të zhvillojnë kreativitetin përmes leximit, duke promovuar kulturën dhe edukimin në Prishtinë.























