18:36 / 14.04.2026
Muja dhe Guérot diskutojnë bashkëpunimin në bujqësi
Shqipe Gashi|RTKlive
Ministri i Bujqësisë, Pylltarisë dhe Zhvillimit Rural, Armend Muja, priti në takim Ambasadorin e Francës në Kosovë, Olivier Guérot, me të cilin diskutoi për avancimin e bashkëpunimit në sektorin e bujqësisë.
Në këtë takim u diskutua për krijimin e marrëveshjeve të reja me kompani franceze, veçanërisht në zhvillimin e bujqësisë dhe përmirësimin e sistemit të ujitjes në Kosovë.
Ministri Muja theksoi rëndësinë e rritjes së sigurisë ushqimore, për çka mori mbështetje nga ambasadori francez. Po ashtu, u diskutua edhe për pjesëmarrjen në Panairin Ndërkombëtar të Bujqësisë në Paris, si mundësi për thellimin e bashkëpunimit.























