21:06 / 15.04.2026
Zjarri në ndërtesën shumëkatëshe në Tiranë: Arrestohen katër persona
Medina Pasoma / RTKlive
Katër persona janë arrestuar pas zjarrit që përfshiu një ndërtesë shumëkatëshe në Tiranë.
Në mesin e të ndaluarve është edhe menaxheri i një marketi në katin e parë të objektit, nga ku dyshohet se nisi zjarri që më pas përfshiu të gjithë fasadën e pallatit. Po ashtu janë arrestuar administratori i ndërtesës dhe dy persona të tjerë.
Nga zjarri janë dëmtuar 71 apartamente, ndërsa autoritetet po verifikojnë shkallën e dëmeve, nëse janë djegur plotësisht apo pjesërisht. Ndërkohë, administratori i firmës ndërtuese është shpallur në kërkim.























