15:34 / 17.07.2026
Shembet një shtëpi në rrugën A në Prishtinë
Medina Pasoma / RTKlive
Një shtëpi është shembur sot në rrugën A, në kryeqytet.
Zëdhënësi i Policisë së Kosovës për rajonin e Prishtinës, Enis Pllana ka konfirmuar për RTKlive se rasti ka ndodhur rreth orës 12:00.
“Menjëherë pas pranimit të informatës, njësitet policore kanë dalë në vendin e ngjarjes, ku kanë siguruar perimetrin dhe janë duke ndërmarrë veprimet e nevojshme”, ka theksuar ai.
Sipas Pllanës, të gjitha veprimet e mëtejme do të ndërmerren në koordinim me Prokurorin e Shtetit.























