47 trofe dhe një mesazh i qartë, koha e trajnerëve spanjollë
F.Bytyqi/RTKLive
Superkupa e Evropës ka dhënë një tjetër dëshmi të dominimit të trajnerëve spanjollë në futbollin evropian.
PSG i Luis Enrique mposhti Aston Villën e Unai Emeryt, duke i dhënë vazhdimësi një trendi që u vu re edhe gjatë sezonit të kaluar dhe në Kupën e Botës.
Luis Enrique e mbylli sezonin e kaluar në mënyrën më të mirë të mundshme, duke udhëhequr PSG-në drejt triumfit në Champions League ndaj Arsenalit të Mikel Artetës. Në anën tjetër, Arteta kishte udhëhequr skuadrën londineze drejt titullit të Premier League.
Suksesi i trajnerëve spanjollë nuk është më thjesht një rastësi, por një trend që po shfaqet gjithnjë e më fuqishëm në skenën ndërkombëtare. Nga Luis Enrique te Guardiola, Emery dhe Arteta, përfaqësuesit e shkollës spanjolle kanë lënë gjurmë të rëndësishme në kompeticionet më prestigjioze.
Shifrat e konfirmojnë këtë dominim. Trajnerët spanjollë kanë fituar deri më tani 47 trofe europianë, me 20 trajnerë të ndryshëm, duke kaluar Italinë, e cila numëron 43 trofe të fituar nga 18 trajnerë.
Këto statistika e vendosin Spanjën në krye të renditjes historike dhe tregojnë qartë rritjen e ndikimit të trajnerëve iberikë në futbollin elitar evropian.
Superkupa e Evropës ishte vetëm kapitulli i fundit i këtij dominimi, ndërsa sezoni i ri pritet të tregojë nëse trajnerët spanjollë do të vazhdojnë të ruajnë këtë epërsi ndaj shkollave të tjera të futbollit.























