S’ka fitues në ‘Fadil Vokrri’, kualifikimi vendoset në Andorrë
BKT
Sport

S’ka fitues në ‘Fadil Vokrri’, kualifikimi vendoset në Andorrë

F.Bytyqi/RTKLive

(E përditësuar, 21:54)-Drita dhe Inter Escaldes kanë barazuar 2-2 në ndeshjen e parë të ‘play-off’-it për Ligën e Konferencës, në një sfidë interesante të zhvilluar të enjten mbrëma në stadiumin “Fadil Vokrri”.

Kampionia e Kosovës e nisi në mënyrën më të mirë takimin, duke kaluar në epërsi që në minutën e katërt.

Salihu realizoi me kokë pas një aksioni të mirë, duke i dhënë avantazhin Dritës, e cila pati një start mjaft pozitiv në këtë përballje.

Megjithatë, Inter Escaldes reagoi shpejt dhe arriti ta barazojë rezultatin në minutën e 13-të. Berlanga ishte ai që realizoi për skuadrën nga Andorra.

Drita vazhdoi të ishte më kërkuese dhe në fundin e pjesës së parë e gjeti sërish rrugën drejt golit.

Në minutën e 42-të, Krasniqi shënoi për 2-1, duke rikthyer epërsinë e kampiones së Kosovës para pushimit.

Edhe pjesa e dytë solli një përballje të luftuar, me Dritën që kishte më shumë iniciativë dhe kontroll të lojës. Megjithatë, ishin mysafirët ata që shënuan të parët pas pushimit.

Në minutën e 56-të, Lopez realizoi për 2-2 dhe riktheu baraspeshën në “Fadil Vokrri”.

Drita më pas e rriti presionin dhe kërkoi golin e tretë, duke krijuar disa aksione pranë portës së Inter Escaldes, por pa arritur ta konkretizojë dominimin në terren.

Në fund, rezultati mbeti i pandryshuar dhe të dyja skuadrat u ndanë me nga një pikë.

Kështu, pas barazimit 2-2 në Prishtinë, gjithçka mbetet e hapur për ndeshjen e kthimit, e cila do të zhvillohet pas një jave në Andorrë.

Aty do të përcaktohet skuadra që do të sigurojë kualifikimin në fazën e ardhshme të Ligës së Konferencës.

Drita po dominon ndaj Inter Escaldes

Drita e ka mbyllur pjesën e parë me epërsi 2-1 ndaj Inter Escaldes, në ndeshjen e parë të ‘play-off’-it për Ligën e Konferencës.

Kampionia e Kosovës e nisi në mënyrën më të mirë sfidën e zhvilluar në stadiumin “Fadil Vokrri”, duke kaluar në epërsi që në minutën e katërt.

Salihu realizoi një gol të bukur me kokë për t’i dhënë avantazhin Dritës, e cila pati një nisje mjaft të mirë të takimit.

Megjithatë, skuadra nga Andorra reagoi shpejt dhe arriti ta barazojë rezultatin në minutën e 13-të. Berlanga ishte ai që shënoi për Inter Escaldes.

Drita nuk u dorëzua dhe vazhdoi të kërkojë golin e dytë, të cilin e gjeti në fundin e pjesës së parë.

Në minutën e 42-të, Krasniqi realizoi për 2-1, duke rikthyer epërsinë e kampiones së Kosovës para vërshëllimës për pushim.

Pjesa e dytë pritet të sjellë edhe më shumë emocione, me Dritën që do të synojë ta ruajë avantazhin dhe të krijojë një rezultat sa më të favorshëm para ndeshjes së kthimit.