PDK dhe Aleanca kërkojnë sërish zhbllokimin e konstituimit të Kuvendit
BKT
Foto nga Facebook
Lajme

PDK dhe Aleanca kërkojnë sërish zhbllokimin e konstituimit të Kuvendit

N.M. /RTKlive

Partia Demokratike e Kosovës (PDK) dhe Aleanca kanë kërkuar sërish sot vazhdimin e seancës konstituive të Kuvendit, duke akuzuar kryetarin e Lëvizjes Vetëvendosje, Albin Kurti, për bllokimin e procesit të formimit të institucioneve të reja.

Në një aktivitet të mbajtur para ndërtesës së Qeverisë, përfaqësues të PDK-së, bashkë me asamblistët dhe aktivistët nga komunat e Shtimes dhe Fushë Kosovës, thanë se moskonstituimi i Kuvendit po ndikon drejtpërdrejt te qytetarët dhe komunat, duke penguar trajtimin e çështjeve dhe realizimin e projekteve me rëndësi.

PDK-së në këto aktivitete i është bashkuar edhe Aleanca. Të dyja subjektet politike kanë deklaruar se përmes këtyre aksioneve po kundërshtojnë zvarritjen e procesit të konstituimit të institucioneve të reja.

PDK dhe Aleanca kanë bërë të ditur se do t’i vazhdojnë aktivitetet e tyre deri në thirrjen e seancës për vazhdimin e procesit të konstituimit të Kuvendit.


MË SHUME NGA Lajme