Ndahet nga jeta në moshën 88-vjeçare akademiku Mark Tirta
BKT
Shqipëri

Ndahet nga jeta në moshën 88-vjeçare akademiku Mark Tirta

A.B/RTKLive

Është ndarë nga jeta në moshën 88-vjeçare akademiku Mark Tirta, një prej studiuesve më të shquar të etnologjisë dhe antropologjisë shqiptare. 

Akademia e Shkencave shprehet se me largimin e tij, shkenca dhe kultura shqiptare humbasin një dijetar të përkushtuar, i cili për më shumë se gjashtë dekada ia kushtoi jetën kërkimit shkencor, dokumentimit dhe interpretimit të kulturës materiale e shpirtërore të shqiptarëve.

"Akademia e Shkencave e Shqipërisë njofton me hidhërim të thellë se sot më 27 gusht 2026 u nda nga jeta akademik emeritus Mark Tirta, një prej studiuesve më të shquar të etnologjisë dhe antropologjisë shqiptare, një personalitet i rëndësishëm i albanologjisë dhe një nga zërat më të spikatur të studimit të trashëgimisë kulturore shqiptare", njofton Akademia.

Akademia e Shkencave të Shqipërisë njofton se nesër, datë 28 gusht 2026, do të zhvillohet ceremonia e lamtumirës dhe nderimit për personalitetin e shquar të albanologjisë, Akademik Emeritus Mark Tirta.
Ceremonia do të mbahet në Salla “Aleks Buda” sipas këtij programi:
10:00 – 10:45: Akademia Solemne
11:00 – 13:00: Homazhe
13:00: Fjala e lamtumirës.


MË SHUME NGA Shqipëri