Marshi solidarizues përfundon i qetë, Policia falënderon qytetarët
BKT
Foto: Alban Selimi / RTK
Lajme

Marshi solidarizues përfundon i qetë, Policia falënderon qytetarët

K. K. / RTKlive

(E përditësuar 16:10) Policia e Kosovës ka njoftuar se marshi solidarizues paqësor ka përfunduar i qetë dhe pa ndonjë incident.

Policia tha se ashtu siç kishte paralajmëruar më herët, kishte ndërmarrë të gjitha masat e nevojshme për garantimin e sigurisë, ruajtjen e rendit dhe qetësisë publike, si dhe për mbarëvajtjen e marshit.

Sipas Policisë, organizimi ka kaluar në mënyrë të qetë dhe pa ndonjë incident.

“Policia e Kosovës falënderon organizatorët dhe mijëra qytetarë pjesëmarrës për qytetarinë, kulturën dhe sjelljen paqësore të treguar”, thuhet në njoftim.

Policia ka veçuar edhe respektimin e udhëzimeve të dhëna nga zyrtarët policorë gjatë marshit dhe qarkullimit në trafikun rrugor.

“Pjesëmarrja juaj, sjellja e përgjegjshme dhe respektimi i udhëzimeve policore kontribuan në mbarëvajtjen e qetë dhe të sigurt të marshit paqësor”, thuhet tutje në njoftimin e Policisë së Kosovës.

(15:11) Marshi në Prishtinë përfundon i qetë

Alban Selimi / RTK

Pas përmbylljes së tubimit, qytetarët po kthehen në shtëpitë e tyre, me shpresën se të mërkurën do të kthehen edhe krerët e UÇK-së që po gjykohen në Hagë.

Për shumë prej protestuesve, kjo është shpresa dhe dëshira e tyre pas përfundimit të procesit gjyqësor.


MË SHUME NGA Lajme