12:36 / 18.09.2026
Hoxha pranë transferimit në Emirate, Al Wahda paguan 2.5 milionë euro
F.B/RTKLive
Arbër Hoxha është shumë pranë largimit nga Dinamo Zagrebi dhe transferimit në Emiratet e Bashkuara Arabe.
Sipas mediave kroate, Al Wahda ka arritur marrëveshje për transferimin e sulmuesit shqiptar, për të cilin do të paguajë 2.5 milionë euro, ndërsa Dinamo do të përfitojë edhe 10 për qind nga një transferim i ardhshëm i lojtarit.
Klubi nga Zagrebi nuk ka vendosur pengesa për largimin e Hoxhës dhe raportohet se ka dhënë dritën jeshile për transferimin e tij në Abu Dhabi.
Al Wahda konsiderohet një prej klubeve ambicioze në Emiratet e Bashkuara Arabe.
Skuadra nga Abu Dhabi ka fituar katër herë titullin kampion dhe po aq herë edhe Kupën e Emirateve.























