Moti në Shqipëri me kthjellime e vranësira, rriten temperaturat
RTKlive&ATSH
Shërbimi Meteorologjik Ushtarak parashikon që Shqipëria të ndikohet sot nga kushte të qëndrueshme atmosferike, me mot kryesisht të kthjellët dhe vranësira të pakta deri mesatare.
Vranësirat do të jenë më të përqendruara në zonat kodrinore dhe malore. Era do të fryjë nga verilindja në veriperëndim, me shpejtësi mesatare rreth 7 m/s, ndërsa përgjatë vijës bregdetare, veçanërisht në atë veriperëndimore, si edhe në lugina e zona malore, pritet të arrijë deri në 16 m/s.
Në det pritet valëzim i forcës 2–3 ballë.
Sa i përket temperaturave, vlerat minimale dhe maksimale pritet të luhaten nga 8°C në Kukës deri në 29°C në Elbasan dhe Berat.
Temperaturat sipas qyteteve:
Shkodër: 14–28°C, diell dhe pak re
Kukës: 8–24°C, diell dhe re
Lezhë: 17–27°C, diell dhe pak re
Dibër: 10–23°C, diell dhe re
Durrës: 14–28°C, diell dhe pak re
Tiranë: 16–28°C, diell dhe pak re
Elbasan: 16–29°C, diell dhe pak re
Berat: 12–29°C, diell dhe pak re
Vlorë: 16–28°C, diell dhe re
Korçë: 9–17°C, diell dhe re
Gjirokastër: 10–26°C, diell dhe re
Sarandë: 17–26°C, diell dhe pak re























