Dibrani synon forcimin e bashkëpunimit ndërkombëtar të Shërbimit Korrektues
BKT
Lajme

Dibrani synon forcimin e bashkëpunimit ndërkombëtar të Shërbimit Korrektues

V.Th / RTKLive

Drejtori i Shërbimit Korrektues të Kosovës, Ismail Dibrani, ka diskutuar për mundësitë e zgjerimit të bashkëpunimit ndërkombëtar me presidenten e sapozgjedhur të Organizatës Ndërkombëtare të Shërbimeve Korrektuese (ICPA), Heidi Washington.

Takimi u zhvillua në Belfast të Irlandës së Veriut, në kuadër të Konferencës Vjetore të Drejtuesve të Shërbimeve Korrektuese.

Sipas Dibranit, gjatë takimit u diskutuan arritjet, reformat dhe progresi i Shërbimit Korrektues të Kosovës, si dhe mundësitë për avancimin e mëtejmë të këtij institucioni përmes bashkëpunimit me ICPA-në.

Ai ka vlerësuar se udhëheqja e re e organizatës paraqet mundësi për forcimin e partneritetit dhe promovimin e përvojave të Kosovës në arenën ndërkombëtare.

Dibrani bëri të ditur se Washingtonit i ka drejtuar edhe një ftesë zyrtare për vizitë në Kosovë.


MË SHUME NGA Lajme