Familja e Jakup Krasniqit falënderon për solidaritetin: Mbështetja na dha forcë
BKT
Lajme

Familja e Jakup Krasniqit falënderon për solidaritetin: Mbështetja na dha forcë

Sh.Ç/RTKlive

Familja e Jakup Krasniqit ka shprehur mirënjohje të thellë për të gjithë qytetarët, miqtë, bashkëpunëtorët dhe personalitetet publike që gjatë ditëve të fundit qëndruan pranë tyre, duke u solidarizuar dhe duke ofruar mbështetje morale.

Deputeti i PDK-së, Altin Krasniqi, pas vizitës së babait të tij, Jakup Krasniqit, në Kosovë, ka falënderuar të gjithë ata që ndanë me familjen këtë moment të veçantë, duke theksuar rëndësinë e solidaritetit dhe afërsisë njerëzore në kohë të vështira.

Në mesazhin e tij, Altin Krasniqi, në emër të familjes, ka shprehur mirënjohjen për secilin person që me praninë, fjalët dhe mbështetjen e tij u dha forcë përballë kësaj situate.

“Shpreh mirënjohjen dhe falënderimin tonë për secilin prej jush që, në këto momente të vështira për familjen tonë, u solidarizuat me ne dhe na dhatë forcë”, ka shkruar Krasniqi.

Familja, përmes këtij falënderimi, vlerëson se solidariteti njerëzor dhe mbështetja e qytetarëve mbeten dëshmi e lidhjeve të forta shoqërore dhe e respektit që njerëzit shprehin ndaj njëri-tjetrit në momentet më të ndjeshme të jetës.


MË SHUME NGA Lajme