Tri gola për dhjetë minuta, Barcelona mposht Villarrealin
BKT
Sport

Tri gola për dhjetë minuta, Barcelona mposht Villarrealin

F.B/RTKLive

Barcelona ka marrë një fitore dramatike ndaj Villarrealit, duke triumfuar me rezultat 3-2, në një ndeshje ku katalunasit përmbysën disavantazhin prej dy golash.

Vendasit u befasuan që në minutat e para, kur Tajon Buchanan kaloi Villarrealin në epërsi në minutën e pestë, ndërsa vetëm shtatë minuta më vonë Tanitoluëa Oluëaseyi realizoi për 0-2.

Barcelona pati mundësinë të ngushtonte rezultatin nga pika e bardhë, por Lamine Yamal nuk arriti të shënonte penalltinë.

Megjithatë, skuadra e Hansi Flickut reagoi fuqishëm në pjesën e dytë. Gerard Martin shënoi golin e parë në minutën e 57-të, ndërsa Fermin Lopez barazoi shifrat vetëm katër minuta më vonë.

Përmbysja e madhe u kompletua në minutën e 67-të, kur Pau Navarro devijoi topin në portën e tij pas një aksioni të rrezikshëm të Barcelonës.

Villarreali e mbylli ndeshjen me një lojtar më pak, pasi Navarro u përjashtua me kartonin e dytë të verdhë në kohën shtesë.

Me këtë fitore, Barcelona ruan pozitën e parë në La Liga dhe epërsinë prej tri pikësh ndaj Real Madridit.