Haradinaj: Kosova sot ka humbur një nga miqtë e saj të shquar
BKT
Lajme

Haradinaj: Kosova sot ka humbur një nga miqtë e saj të shquar

Kryeministri i Kosovës, Ramush Haradinaj, ka shprehur pikëllimin e tij me vdekjen e ish-senatorit Richard Lugar.

Në moshën 87-vjeçare ka ndërruar jetë ish-senatori amerikan, Richard Lugar.

Ish-senatori republikan, Richard Lugar, ishte mbështetës i madh i pavarësisë së Kosovës.

Kreu i ekzekutivit, Ramush Haradinaj, përmes një postimi në profilin e tij zyrtar në rrjetin social Facebook, ka thënë se Kosova sot ka humbur një nga miqtë e saj më të shquar.

Përmes këtij telegrami ngushëllimi, Haradinaj, ka thënë se shqiptarët do të jenë mirënjohës përjetë ndaj ish-senatorit, Richard Lugar.

Postimi i plotë i Haradinajt pa ndërhyrje:

Kosova sot ka humbur një nga miqtë e saj të shquar, ish-Senatorin amerikan nga Partia Republikane Richard Lugar, mbështetësin e madh të pavarësisë sonë.

Shqiptarët do t’i jenë mirënjohës përjetë përfaqësuesit të shtetit Indiana në Senat, Lugar, i cili së bashku me John McCain përkrahu Presidentin Bill Clinton për intervenim kundër Serbisë, për ta parandaluar gjenocidin në Kosovë. 


MË SHUME NGA Lajme