Kosova shënon Javën e pestë për Siguri globale rrugore
BKT
Lajme

Kosova shënon Javën e pestë për Siguri globale rrugore

Në hapjen e Javës së pestë për Siguri globale rrugore të Kombeve të Bashkuara, kolegji ‘Tempulli’ ka shpalosur aktivitetet që do të zhvillohen në kuadër të kësaj jave.

Muhamed Krasniqi nga Kolegji Tempulli tha se pavarësisht se Kosova nuk është anëtare e Kombeve të Bashkuara që nga viti 2007 organizon aktivitete në kuadër të kësaj jave që ka për qëllim të shpëtoj jetën e njerëzve.

Nënkolonel Jeton Rexhepi nga Policia e Kosovës, u zotua se do të përkrahin çdo aktivitet që ka të bëjë me sigurinë rrugore.

Fejzulla Mustafa nga Departamenti Koordinues i Këshillit për Sigurinë e Komunikacionit Rrugor, tha se janë fokusuar në shtypjen e disa fletushkave, që kanë për qëllim vetëdijesimit.

Ndryshe, java e parë për siguri globale rrugore është mbajtur në vitin 2007. Ajo fillon sot dhe përfundon deri më 12 maj. Në kuadër të kësaj jave, më datën 8 maj do të organizohet një tryezë e rrumbullakët me këtë temë, dhe më 10 maj do të organizohen garat me biçikleta në sheshin ‘Zahir Pajaziti’.


MË SHUME NGA Lajme