`Rënia e Luanit në kufi porosi se nuk lejohet ndarja mes shqiptarëve`
BKT
Lajme

`Rënia e Luanit në kufi porosi se nuk lejohet ndarja mes shqiptarëve`

Në 22-vjetorin e rënies është përkujtuar heroi i Kosovës, gjeneral major Luan Haradinaj, ku është thënë se rënia e tij në kufirin shqiptaro-shqiptar është porosi që nuk do të lejohet ndarja mes shqiptarëve.

Kryeministri i Kosovës, njëherësh vëllai i Luanit, Ramush Haradinaj, ka thënë se ai asnjëherë nuk e kishte pranuar atë kufi dhe se ka qenë ndër të parët që e ka refuzuar atë.

Në po këtë ditë nderime janë bërë edhe për veprimtarinë e çështjes kombëtare Ismail Haradinaj, ku kryeministri Ramush Haradinaj ka thënë se ka qenë një njëri i pathyeshëm në ideale e në bindje të veta.

Ndërsa, kryetari i Komunës së Deçanit Bashkim Ramosaj, ka thënë se në luftën për liri familja Haradinaj ka dhënë shumë.

Kreu i Deçanit tha se këta emra janë pjesë e historisë së lavdishme të historisë së vendit, emra titanësh që për jetë do të mbesin model se si duhet atdheu.

Veprimtari Ismail Haradinaj është nderuar nga presidenti i Kosovës, Hashim Thaçi, me medaljen Hero i Kosovës. Në 22-vjetorin e rënies së heroit të Kosovës, gjeneral major Luan Haradinaj janë bërë homazhe te shtatorja e tij në Deçan.


MË SHUME NGA Lajme