Me këtë këngë e përkujton Rexhep Selimi bashkëluftëtarin e tij
Deputeti i Vetëvendosjes dhe njëri nga eprorët e parë të UÇK-së ka kujtuar bashkëluftëtarin e tij në 22 vjetorin e vrasjes.
Rexhep Selimi ka kujtuar heroin Luan Haradinajn me një këngë të Mujë Krasniqit po ashtu hero i kombit.
Rexhep Selimi dhe Mujë Krasniqi ishin ata që për herë të parë dolën publikisht më 28 nëntor të vitit 1997 me emblema të UÇK-së.
Me ta ishte edhe deputeti Daut Haradinaj, vëlla i heroit Luan Haradinaj.
Postimi i Rexhep Selimit në Facebook:
NË PËRVJETORIN E LUANIT
Si në çdo përvjetor, edhe 22 vite nga rënia e Luanit, ende po e ndiej të freskët këngën që e këndonte Mujë Krasniqi:
"...Pyesin Zanat për Luanin Kush e rriti ket’ shtatlis
N’sy i shndritke rrezja e diellit Plaga n’ball hie i kish
Me jau shtu shokëve barotin
Si shqiponje malet kalonte Balle për balle me hordhitë serbe
Pushka e tij sa mirë këndonte!
Në Gllogjan lindi Luani Për Liri e rriti nana
Amanet t’ia ruani pushkën Po ua lam’ juve o zana"























