Të ketë angazhim shtesë për zbatimin e MSA-së
Zemaj ka bërë thirrje për angazhim shtesë të të gjitha institucioneve në vend për zbatimin e MSA-së.
Zemaj ka theksuar se Kuvendi është në një gjendje inerte të funksionimit të tij, ka përzierje të plotë të kompetencave dhe detyrave kushtetuese dhe, sipas tij, kjo gjendje është kontribuues i keq që Kosova dhe qytetarët e saj edhe këtë vit të vazhdojnë të jenë të izoluar dhe larg nga rruga euroatlantike.
“Ky tregues që sot Kosovën e gjënë të izoluar edhe në festën e BE-së vazhdon të jetë përgjegjësi për institucionet tona në këtë mashtrim optik, njëherësh tregon kompleksitetin që e ka BE-ja për të pranuar në gjirin e vet shtete dhe kombe të reja të cilat nuk janë ende pjesë e BE-së. Andaj edhe festimi i Ditës së Evropës është shumë më i zbehur kur elementi kryesor, që është lëvizja e lirë, nuk është arritur dhe qytetarët e Kosovës e festojnë me shumë si dëshirë sesa si realitet”, ka deklaruar Zemaj.























