Basri Ibrahimi zgjidhet Kryeshef Ekzekutiv i Trepca sh.a.
Basri Ibrahimi është zgjedhur Kryeshef Ekzekutiv i Trepca sh.a, kurse Afrim Haxhiun Sekretar Korporativ.
Kështu është njoftuar përmes një komunikate për media:
Sot, më datë 27.05.2019 duke ushtruar kompetencat ligjore në bazë të legjislacionit në fuqi, Bordi Mbikëqyrës i Trepca sh. a. përmes një procesi të hapur dhe transparent të konkurimit dhe pas përfundimit të procesit të seleksionimit dhe intervistimit, ka zgjedhur për Kryeshef Ekzekutiv të Trepca sh.a z. Basri Ibrahimi. Kurse, për pozitën e Sekretarit Korporativ të Trepça sh.a. Bordi Mbikëqyrës ka zgjedhur z. Afrim Haxhiu. Të dy kandidatët morën besimin e plotë të gjithë anëtarëve të Bordit Mbikëqyrës . Bordi Mbikëqyrës i Trepca sh.a. falenderon të gjithë kandidatët e interesuar për pozitën e Kryeshefit Ekzekutiv të Trepca sh.a. dhe Sekretarit Korporativ. Ky proces, përsëri e solli në vëmendje rëndësinë që ka Trepça për qytetarët e Kosovës, gjë që u dëshmua me konkurencën profesionale që ka pasur në këto dy konkurse. Kandidatëve të përzgjedhur ju urojmë punë të mbarë në realizimin e përgjegjësive ligjore.























