13:31 / 30.05.2019
Tahiri kërkon që gjykimi në mungesë të përfshijë edhe aferat korruptive
Ministri i Drejtësisë, Abelard Tahiri, deklaroi sot se nuk mund të limitohet gjykimi vetëm në krime lufte, por duhet të jetë edhe në vepra tjera penale.
Këtu ai përmendi propozimin e Qeverisë, ku kërkojnë që përveç krimeve të luftës, të gjykohen edhe personat e involvuar në afera korruptive.
Tahiri tha se neni 306 i Kodit të Procedurës Penale, të cilin e ka proceduar Qeveria e Kosovës, përcakton qartë gjykimin në mungesë, ku gjyqtari i procedurës paraprake ose trupi gjykues mund të vendosë për vazhdimin e gjykimit në mungesë, në rast se i akuzuari nuk paraqitet në seancë gjyqësore.























