​Veseli: Nuk do të ketë marrëveshje Kosovë-Serbi pa involvimin e e ShBA-ve
BKT
Lajme

​Veseli: Nuk do të ketë marrëveshje Kosovë-Serbi pa involvimin e e ShBA-ve

Kryetari i Kuvendit të Kosovës Kadri Veseli, ka deklaruar se është e paimagjinueshme arritja e ndonjë marrëveshje mes Kosovës dhe Serbisë pa involvimin e Shteteve të Bashkuara të Amerikës.

Veseli teksa ka folur në intervistën 45/45, ka thënë se takimi i Berlinit që është mbajtur dhe ai i Parisit që pritet të mbahet janë shumë pozitive dhe tregojnë për një impenjim të shtuar të shteteve të BE-së për Kosovën.

Kreu i Kuvendit ka folur edhe për atë se çka pret nga samiti i Parisit që do të mbahet me 1 korrik.

Ndërkaq, i pyetur se a duhet të hiqet taksa e vendosur nga Kosova për mallrat që importohen nga Serbia dhe Bosnja e Hercegovina, Veseli tha se kjo taksë assesi nuk duhet të përdoret kundër Kosovës.

Ai nuk ka dhënë një përgjigje definitive se a duhet të hiqet kjo taksë, por që u shpreh se për të rëndësi ka që Kosova të del më e fortë nga çdo vendimmarrje që merret për taksën.

Veseli ka folur edhe për dialogun Kosovë-Serbi, që sipas tij është duke u abuzuar me dialogun me shtetin serb. Ai tha se Kosova duhet të tregojë gatishmërinë për dialog.

I pyetur se a duhet Kosova që të vendos kushte për marrëveshjen me Serbinë, siç është çështja e të pagjeturve, Veseli tha se Serbia duhet të përgjigjet për krimet dhe gjenocidin që e ka kryer në Kosovë.


MË SHUME NGA Lajme