Veseli: Duhet të përmbyllet sherri me Serbinë
Kryetari i Kuvendit të Kosovës, njëherësh i pari i PDK-së, Kadri Veseli është shprehur para strukturave të reja të Ferizajt, se mosmarrëveshjet me Serbinë duhet të përmbyllen me një afat sa më të shpejtë, pasi fqinjësia e mirë sipas tij i ndihmon Kosovës.
Por, para kësaj Veseli kërkoi që të gjitha krimet serbe dhe gjenocidi që ata kanë kryer në Kosovë duhet të zbardhet, pas mohimi i një krimi është krim.
I pari i PDK-së, foli dhe për angazhimin dhe punën e partisë së tij gjatë këtyre viteve qeverisje dhe dekadën e re që sipas tij është një vizion i ri dhe një koncept i ri.
Veseli po ashtu theksoi nevojën që gjithë ata që nuk kanë qenë të ndershëm dhe kanë keqpërdor pozitën publike duhet të largohen nga PDK-ja.
Kryetari i Komunës së Ferizajt, Agim Aliu duke folur për strukturat e reja të degës së PDK-së, tha se Dekada e Re ‘ka pushtuar’ komunën ku ai qeverisë, duke theksuar se tashmë ka njerëz të ri me ide të reja.























