14:40 / 15.06.2019
Limaj: Vdekja e Lekës është humbje edhe për vendin
Zëvendëskryeministri i Kosovës, Fatmir Limaj, ka ngushëlluar me rastin e vdekjes së gazetarit dhe drejtuesit të disa mediave, Lekë Zherka.
Limaj shkroi se vdekja e hershme e Zherkës është padyshim humbje e madhe jo vetëm për median ku punonte dhe familjarët e tij, por edhe për vendin.
“Pikëllues lajmi për vdekjen e Lekë Zherkës, gazetar me përvojë të gjatë dhe drejtues i medieve të ndryshme në vend. Vdekja e hershme e Lekës është padyshim humbje e madhe jo vetëm për median ku punonte dhe familjarët e tij, por edhe për vendin. Në këto çaste pikëllimi për familjen Zherka bashkëndjejmë me dhimbjen e tyre. Ngushëllimet më të sinqerta familjes Zherka, miqve të tij dhe gjithë komunitetit të gazetarëve në Kosovë!”, shkroi Limaj.























