Anthony Loyd, që raportoi nga lufta në Kosovë e Siri, sjell rrëfimin e tij
Anthony Loyd i lindur në një familje me traditë ushtarake, kishte vendosur që të përjetoi luftën prej afër, duke filluar punën si gazetar i cili raprton prej zonave të konfliktit.
Në moshën 26 vjeçare ai la Anglinë për të shkuar në Bosnje, prej ku dokumentoi luftën që po ndodhte atje.
Anthony Loyd vazhdoi me raportimet e tij nga lufta në Bosnje, Kosovë, Çeçeni, Afganistan e Irak.
Rrëfimet e tij nuk janë të zakonshme, sikur ai me një njëri që quan vetën komandant i një grupi ushtarak isamik, në shtëpinë e të cilit ishte mirëpritur Loyd, por që nga i njëjti sirian pastaj kishte përjetuar rrahje e tortura. Ngjarje kjo që gati ishte fatale për Anthony Loyd, i cili kishte shkuar për të raportuar nga Siria.
Aty kishte takuar Shamina Begum, vajzën që si 15 vjeçare kishte përfunduar mes tmerreve të Shtetit Islamik në Siri.
Anthony Loyd ishte përendimori i parë që e kishte takuar vajzën disa vjet më vonë.
Njëra fotografi shfaq burrin me emrin Hakim, i cili e kishte mirëpritur në shtëpi, por që pastaj kjo e kishte rrezikuar jetën e gazetarit, meqë kishte përfunduar i rrahur dhe në spitale.
Fotografia e dytë është e vajzës që kur ishte 15 vjeç kishte shkuar në Siri, ku gazetari kishte shpresuar që me raportimin e tij të vërtetë do të ngjallte debat dhe kjo do të rezultonte me politika më pozitve për raste të tjera të tilla.
Dhe përmes fotografisë së tretë, Anthony Loyd dokumenetoi gjendjen nëpër të cilën kishte kaluar nëpër spitale, pas tortuave që kishte marrë atje.
Ai thotë që pavarësisht rreziqeve me të cilat është përballuar gjatë punës së tij si gazetar, asnjëherë nuk e ka fshehur identitetin e tij.
Thotë që transparenca është më e mira kur punon gazetar.
Rrëfimin e jetës së tij si gazetar, Loyd e shpalosi në Prishtinë, në “Brit Talks” që u organizua nga Ambasada e Britanisë në Kosovë, në kuadër të ngjareve përmes së cilave shënohet ditëlindja e Mbretëreshës.
Loyd tregon që ka marrë kërcënime të ndryshme gjatë punës së tij, letra kërcënuese, që siç thekson ai, nga persona që nuk e dinë vlerën e gazetarit por të njëjtin e shohin vetëm si kërcënim.
“Brit Talks” ka kthyer vëmendjen për domosdoshmërinë e gazetarisë për demokracinë.
Tema për ditëlindjën e ’93 të Mbretëreshës sivjet është liria e mediave.
Muajin që vjen në Londër do të mbahet konferenca globale për këtë temë.
Anthony Loyd ka ndarë përvojën e tij gazetareske me publikun kosovar, këtë javë, në “Kino Armata” në Prishtinë.























