15:36 / 23.06.2019
Drejtuesit e KOK-ut u takuan me presidentin Thaçi në Minsk
Presidenti i Republikës së Kosovës, Hashim Thaçi mori pjesë në ceremoninë hapëse të Lojërave Evropiane Minsk 2019, të cilat po mbahen në kryeqytetin e Bjellorusisë.
Presidenti Thaçi erdhi në përkrahje të sportistëve tanë, të cilët po e përfaqësojnë denjësisht vendin tonë.
Me këtë rast, mirëseardhje i uruan drejtuesit e KOK-ut, presidenti Besim Hasani dhe sekretari i përgjithshëm, Shasivar Haxhijaj, me të cilët pati një takim miqësor.
KOK falënderon presidentin Thaçi për gatishmërinë dhe përkrahjen e vazhdueshme që po i jep ekipit Olimpik të Kosovës.























