15:04 / 02.07.2019
Thaçi: U jetësua synimi i delegatëve të 2 Korrikut
Presidenti i vendit, Hashim Thaçi, u shpreh se synimet e delegatëve të 2 Korrikut 1990 janë bërë realitet dhe sot Kosova është shtet i lire, i pavarur e demokratik.
“Edhe në këtë përvjetor shprehim falënderim dhe respekt për të gjithë delegatët e guximshëm të 2 Korrikut”, shkroi Thaçi.
Postimi i plotë i Hashim Thaçit:
Sot u bënë 29 vjet nga Deklarata e 2 Korrikut 1990, ku delegatët e atëhershëm të Kuvendit të Kosovës shprehën vullnetin e qytetarëve tanë për liri dhe pavarësi nga ish Jugosllavia. Pas shumë zhvillimeve politike, ky synim u bë realitet dhe sot Kosova është shtet i lirë, i pavarur dhe demokratik. Edhe në këtë përvjetor shprehim falënderim dhe respekt për të gjithë delegatët e guximshëm të 2 Korrikut.























