16:33 / 18.07.2019
Haradinaj flet për RTK:Po e vazhdoj vizitën në Vjenë konform planifikimeve
RTKlive
Deputeti i AAK-së Daut Haradinaj, ka demantuar lajmin e disa portaleve se është arrrestuar sot në Vjenë me fletarrest të Serbisë.
Deputeti Haradinaj, tha për RTK-në se është në Vjenë krejt zakonshëm. Tutje, ai theksoi se ka pasur vetëm disa vonesa procedurale, por që gjithçka ka përfunduar brenda minutave. Haradinaj, tutje tha se Austria është shtet-mik i Kosovës dhe se pret që Kosova shumë shpejt të bëhet pjesë e Interpolit. Ai, tashmë është i lirë dhe po e vazhdon vizitën në Vjenë.























