16:27 / 27.07.2019
PSD demanton lajmin se Aida Dërguti ka dalë nga kjo parti
Para pak minutash është raportuar një lajm nëpër media se nënkryetarja e PSD-së ka braktisur partinë që e drejton Shpend Ahmeti.
Mirëpo, zyrtarë të PSD-së e kanë demantuar menjëherë këtë lajm, duke thënë se është 100 për qind i pavërtetë.
“Jo, është e pavërtetë. Absolutisht s’ka as shenja të kësaj që ka dalë nëpër portale. Nuk e di as kush e ka nxjerrë, por është e pavërtetë. Ju siguroj 100 për qind”, ka deklaruar për “Zëri.info” zëdhënësja e PSD-së, Natyra Kuçi.
Ky lajm sipas Kuçit është shpërndarë nga një portal me agjendë të përgatitur./Zeri























