Ronnie Romero, performuesi kryesor në HardhFest-in e sivjetmë
BKT
Kulturë

Ronnie Romero, performuesi kryesor në HardhFest-in e sivjetmë

"Një gotë për mot", ky është slogani i sivjetmë i festës së vjeljes së rrushit - HardhFest.

Për herë të tetëmbëdhjetë, ky festival këtë vit do të mbahet më datat 16,17 dhe 18 gusht.

E për këtë edicion, komuna e Rahovecit ka ndarë 15 mijë euro për mbajtjen e këtij festivali.

HardhFest do të bëjë hapjen zyrtare me prerjen e kalaveshit të rrushit, më pastaj me garat e vjeljes së rrushit dhe garat në shtrydhjen e rrushit.

Risi e këtij edicioni do të jetë HardhEx, ku do të mbahen garat për pirje, të drejtë për pjesëmarrje do të kenë personat mbi 24-vjeç.

Dea Luma, përgjegjëse për marrëdhënie me publikun, ka theksuar se këtë vit kanë filluar edhe me fushatë të sensibilizimit për fibrozën cistike.

Gardalin Shtavica, drejtor artistik, ka treguar se kush do të performojë gjatë këtyre tri ditëve në HardhFest.

Performuesi kryesor në HardhFest do të jetë Ronnie Romero, vokalist i grupit Rainbow.

Nora Boshnjaku, përfaqësuese e komunës së Rahovecit, ka treguar shumën e mjeteve të ndara për këtë edicion.

Në hapjen e festivalit do të performojë grupi rahovecian All Stars. E të shumtë do të jenë edhe grupet tjera si: Tre Musketarët - Elton Deda, Aleksandër Gjoka dhe Redon Makashi. Grupi rock alternativ nga Hungaria “The Moog”, grupi Votra dhe Grupi 4x4.

E veçanta main DJ janë ta gjitha gjini femërore, Dj Jehonë nga Kosova, Amwe Doux nga Shqipëria dhe Ana Malo nga Maqedonia e Veriut. Gjithashtu do të performojnë edhe DJ tjerë si Fisnik Kuqi, Mike B dhe Dj Lori K.


MË SHUME NGA Kulturë