Rusia, krah Serbisë për parandalimin e anëtarësimit të Kosovës në INTERPOL
BKT
Lajme

Rusia, krah Serbisë për parandalimin e anëtarësimit të Kosovës në INTERPOL

Ambasadori rus në Beograd, Alexander Bocan-Harchenko, i ka dhënë mbështetje Serbisë për parandalimin e anëtarësimit të Kosovës në INTERPOL.

Ambasadori rus në Beograd, Alexander Bocan-Harchenko, gjatë ditës së sotme është takuar me ministrin serb të Brendshëm, Nebojsha Stefanoviq.

Gjatë këtij takimi, temë kryesore ka qenë Kosova dhe anëtarësimi i saj në organizatat ndërkombëtare.

Siç shkruajnë mediet serbe, ambasadori Alexander Bocan-Harchenko, i ka dhënë mbështetje ministrit serb, Stefanoviq, se Moska do ta përkrah Beogradin zyrtarë në parandalimin e anëtarësimit të Kosovës në INTERPOL dhe në të gjitha organizatat e tjera ndërkombëtare, transmeton lajmi.net.

Stefanoviq, e ka falënderuar ambasadorin rus, duke thënë se kjo që po bën Rusia është respekt parimor i integritetit territorial të Serbisë.

Ai po ashtu e quajti mbështetje të vlefshme të Rusisë për parandalimin e anëtarësimit të Kosovës në INTERPOL, transmeton lajmi.net

Në anën tjetër Stefanoviq dhe ambasadori rus, Alexander Bocan-Harchenko, vlerësuan se Serbia dhe Rusia kanë një bashkëpunim shumë të mirë në fushën e sigurisë. 


MË SHUME NGA Lajme