18:02 / 15.08.2019
Kiçmari: Logjika e drejtuesve të politikës së jashtme më shumë sjellë dëm
Diplomati Sabri Kiçmari ka kritika të mëdha për politikën e jashtme të Kosovës.
Ai duke folur në “Imazh” te RTK, ka thënë se njerëzit që e drejtojnë këtë fushë më shumë po i sjellin dëm Kosovës.
“Njerëzit që kanë udhëhequr me politikën e jashtme, sidomos kohët e fundit, nuk e njohin këtë fushë. Janë në vend të gabuar. Logjika e tyre sjellë më shumë dëm se sa dobi. Shërbimi i jashtëm është kuptuar më shumë si akomodim i politikanëve të caktuar”, ka thënë Kiçmari.
Ai është shprehur se shumë ambasadorë janë bërë me atë titull përmes linjës politike.























