Kastrati: Mustafa i menaxhoi fraksionet, LDK-në e shoh në Qeveri
BKT
Lajme

Kastrati: Mustafa i menaxhoi fraksionet, LDK-në e shoh në Qeveri

Politologu Ardian Kastrati ka thënë se e sheh LDK-në pjesë të qeverisë së ardhshme.

Ai ka folur të enjten në “Debat” te RTK.

“Mustafa ia doli që të menaxhojë relativisht mirë fraksionet brenda LDK-së. Unë e shoh këtë parti si pjesë të qeverisë së ardhshme”, është shprehur ai.

Duke u ndalur te PDK-ja, ai ka thënë se po vërejet një qasje tjetër. “Po vërehet diskurs ndryshe i PDK- së, e cila po përpiqet që të distancohet nga keqqeverisja e deritashme dhe të fokusohet në orientimet e saja programore”, ka thënë Kastrati.

Ai është shprehur se Kosova është në situatë shumë delikate në raport me partnerët ndërkombëtarë, tash për shkak të taksës e më herët edhe për shkak të demarkacionit

Duke folur për PSD-në dhë Nismën Socialdemokrate, Kastrati ka thënë se edhe këto dy subjekte sikurse edhe partitë e tujera do të ndikohen nga diskursi publik që sjell vota.

“Tani është vështirë që partitë të thonë se do të heqin taksën, sepse është garë zgjedhore”, ka theksuar ai.


MË SHUME NGA Lajme