23:13 / 27.08.2019
Pacolli nderon heroin Ismet Rrahmani
Presidenti i Aleancës Kosova e Re, Behgjet Pacolli, me bashkëpunëtorë, sot bëri homazhe tek varri i heroit të kombit, njeriut të penës dhe pushkës, Ismet Rrahmani, në përvjetorin e rënies heroike të tij.
Ai vizitoi edhe kullën e dëshmorit të lirisë në Aqarevë. Dëshmori Ismet Rrahmani ishte edhe mësues shembull dhe i përkushtuar i kësaj ane.
Me këtë rast Presidenti Pacolli vlerësoj lartë jetën dhe veprën e heroit, Ismet Rrahmani, në edukimin e brezave të rinj dhe luftën e tij çlirimtare për lirinë e Kosovës.























