Haradinaj falënderon komunitetin shqiptar në SHBA për mbështetje
BKT
Lajme

Haradinaj falënderon komunitetin shqiptar në SHBA për mbështetje

RTKlive

Kryeministri në largim, Ramush Haradinaj falënderoi komunitetin Shqiptar në SHBA për mbështetje

Haradinaj përmes një shkrimi në facebook, i ka bërë thirrje komunitetit shqiptar në SHBA që të bëhen pjesë e kauzës Kosova 100%.

Ai ka thënë se përkrahja e tyre në çdo etapë të shtetndërtimit të Kosovës ka qenë jetike, duke thënë se edhe tash, përkrahja e tyre morale e fizike do të jetë qendra e përkushtimit për forcimin e Kosovës.

Postimi i plotë:

Me mirënjohjen e thellë për komunitetin shqiptar në SHBA, kontributin e parezervë në çdo etapë të shtetkrijimit e shtetbërjes së Kosovës, ju ftoj të na bashkangjiteni në fitoren e radhës që thirret si fitore e sovranitetit e guximit për t’u bashkuar rreth kauzës sonë të përbashkët, Kosova 100%.

Rrugëtimin tonë nuk e kishim të lehtë, por e kishim të sigurtë me ju përkrah. Përkrahja juaj morale e fizike është boshti dhe obligimi ynë, që të përkushtohemi për një atdhe 100% brenda kufijve tonë.

Koha t’ua kthejmë qytetarëve tonë mundësinë për një jetë të dinjitetshme pa pikëpyetje të shtetësisë e me hapin drejt zhvillimit tonë të brendshëm ekonomik e shoqëror.

Falemnderit!

I juaji, 
Ramush Haradinaj


MË SHUME NGA Lajme