14:10 / 07.09.2019
Ky është mesazhi i Zenelit për Kosovën para sfidës me Çekinë
Arbër Zeneli s’do të zbresë sot në “Fadil Vokrri” për ta ndihmuar Kosovën kundër Çekisë.
Një ndër më të mirët te “Dardanët” vazhdon të jetë i lënduar pasi këputi ligamentet gjurit në ndeshjen me Malin e Zi në qershor, lëndim që do ta lërë jashtë fushave deri në fillim të vitit 2020.
Sido që të jetë, Zeneli, përmes një postimi në rrjetet sociale, u ka dërguar mesazh shokëve të skuadrës duke i uruar suksese Kosovës.
“Suksese sot djema, ne jemi me ju”, ka shkruar Zeneli mbi foton e postuar në Instastory.
Përveç Zenelit, Kosova do të jetë sot edhe pa Rashicën, Kolollin, Shalën e Kryeziun – që të gjithë lojtarë të formacionit të parë.























