Spanja në majat e botës
BKT
Sport

Spanja në majat e botës

RTKlive

Kombëtarja e Spanjës është kampione e botës në basketboll.

“Furia e Kuqe” triumfoi në finalen e madh të Kampionatit Botëror në Kinë, duke mundur Argjentinën, me rezultat 95-75 të dielën, raporton RTKLive.

Spanjollët gjatë terë ndeshjes, janë treguar skuadër shumë më e mirë në parket, duke dominuar në katër çerekët.

Basketbollistët e Spanjës gjatë këtij evenimenti, kanë treguar formë shumë të lartë, dhe me meritë fituan medaljen e artë në këtë Botëror.

Finalja mes Argjentinës dhe Spanjës, është parashikuar që të prodhoj një lojë të fortë, megjithatë, spanjollët treguan forcën e tyre përballë argjentinasve, këta të fundit në asnjë mënyrë nuk ia dolën që të gjejnë formulën për të ndalur “Furinë e Kuqe”.

Përfundimisht Spanja është kampione e botës, ndërsa Argjentina duhet të kënaqet me medaljen e argjend, derisa medaljen e bronzte e fitoj Franca e cila mundi Australinë në ndeshjen për vendin e tretë.