20:16 / 21.09.2019
Hoxhaj telefonon Edi Ramën, i shpreh mbështetjen e Kosovës pas tërmeteve
Zëvendëskryeministri në detyrë i Kosovës, Enver Hoxhaj ka telefonuar të parin e Qeverisë shqiptare, Edi Ramën pas tërmeteve të njëpasnjëshme.
Përmes një postimi në Facebook, Hoxhaj ka bërë të ditur se Ramës i ka shprehur solidaritetin dhe mbështetjen e Kosovës në këto moment të vështira.
Postimi i plotë:
Me shqetësim të thellë po përcjell lajmet për termetet në Tiranë dhe Durrës. Menjëherë kam kontaktuar kryeministrin, Edi Rama, të cilit i shpreha solidaritet dhe mbështetje. Shërim të shpejtë të lënduarve. Kosova i qëndron pranë Shqipërisë në këtë ditë të vështirë. Qoftë e kaluar kjo tronditje!.























