MPJ e Hungarisë, telegram ngushëllimi për vdekjen e gazetares Sylejmani
BKT
Lajme

MPJ e Hungarisë, telegram ngushëllimi për vdekjen e gazetares Sylejmani

Ministria e Jashtme e Hungarisë, përmes një telegrami dërguar ambasadorit të Kosovës në Hungari, z. Shpend Kallaba, ka shprehur ngushëllime për vdekjen e gazetares së RTK-së, Ardita Sylejmani Bllaca.

“Më erdhi shumë keq kur pranova lajmin për vdekjen e gazetares së njohur, znj. Ardita Sylejmani Bllaca, bashkëshortes së z. Shpend Bllaca, më 19 shtator 2019.

Ju lus të pranoni ngushëllimet tona. Me mendje jemi te familja e saj në këtë kohë të vështirë për ta”, thuhet në telegramin e ngushëllimit, të nënshkruar nga Istvan Balogh.

Ndërkohë, të gjitha mediat hungareze kanë shkruar e raportuar për vdekjen e gazetares së RTK-së, Ardita Sylejmani Bllaca, duke tentuar të zbardhin rrethanat që çuan në vdekjen e saj.

Sipas mjekëve në Hungari, burime në të cilat thirren mediat atje, vdekja ka ardhur si shkak i një komplikimi gjatë lindjes, dhe se pavarësisht përpjekjeve, e ndjera nuk ka arritur të mbijetojë.

Ardita Sylejmani Bllaca ndërroi jetë me 19 shtator në Budapest të Hungarisë, gjatë lindjes së vajzës, Gretës.

Më posht mund të klikoni për më shumë për raportimin e mediave hungareze:

 

https://rtl.hu/rtlklub/hirek/belehalt-a-szulesbe-az-ismert-az-ismert-koszovoi-riporter?

fbclid=IwAR1oaIiWvHDra03W9tAEI2PgB-XfNa2R9HwyZBOWxXlRWak5Vnl2DLs196Q

http://www.borsonline.hu/aktualis/megmentettek-a-magyar-orvosok-a-koszovoi-sztarriporter-babajat/183224?fbclid=IwAR2qK9ZG3C9xnPEKrqNuR5nVcLnTQnizcfve0NzYIXMOX4arFCKbWUEJiK4

 


MË SHUME NGA Lajme