23:48 / 11.10.2019
Ndërroi jetë babai i Avdullah Hotit
Kandidati për deputet në Kuvendin e Kosovës nga radhët e Lidhjes Demokratike të Kosovës, Avdullah Hoti, ka njoftuar se babai i tij ka ndërruar jetë.
Halim Hoti ka vdekur të premten, ka bërë të ditur politikani i LDK-së.
“E ndjej të nevojshme, që në emër të familjes tonë, t’ju njoftoj se sonte u nda nga ne baba jonë Halimi”, ka shkruar Avdullah Hoti në Facebook.
“Varrimi bëhet të shtunen, 12 tetor, në orën 12:00, në varrezat e fshatit Ratkoc”, ka njoftuar ai.























