20:07 / 29.10.2019
Komuna dënon 500 euro kompaninë që shkaktoi pluhur në Prishtinë
Një kompani është dënuar për ndotjen e mjedisit në Prishtinë.
Sot pluhuri ka mbuluar qytetin e Prishtinës për shkak të ndërtimeve pa kritere dhe pa kohë që kanë vërshuar kryeqytetin.
Por i menjëhershëm ishte reagimi i Komunës së Prishtinës që e dënoi kompaninë që shkaktori pluhurin me 500 euro.
Drejtori i Inspekcionit, Adonis Tahiri tha se hudhja e mbeturinave inerte nga katet e sipërme të ndërtesës shkakton ndotje dhe rrezik.
"Ndërpriten punimet ndërtimore derisa të ndërmerren masat adekuate për largimin e materialit inert.Gjoba, e pashmangshme", ka shkruar Tahiri në "Facebook".























