Përfundon prezantimi “Ekrane përballë”
Ka përfunduar prezantimi treditorë “Ekrane përballë”, që përmbante filma dhe video të artistëve italianë nga vitet e gjashtëdhjeta e deri në ditët e sotme, organizuar nga Galeria Kombëtare e Kosovës, Instituti italian për Kulturë dhe Ambasada e Italisë në Prishtinë.
Në ditën e parë u prezantuan video dhe filma të viteve të gjashtëdhjeta, në ditën e dytë të viteve 80-90 dhe në ditën e tretë u prezantuan video të artistit Antonello Matarazzo.
Kjo nënrenditje e filmave në dekada i ofroi shikuesve një vizion të qartë dhe dëshmoi sipas një modaliteti linear, evolucionin e eksperimentit audioviziv të filmave të realizuar nga artistët.
Profesori Bruno Di Marino në ditën e fundit prezantoi fotografitë lëvizëse të producentit të filmit, Antonello Matarazzo dhe tregoi për karrierën e tij, kalimin nga piktura në imazhe lëvizëse.
Qëllimi i prezantimeve ishte për të bërë krahasime se çfarë ka qenë dhe çfarë është ende sot në filma, pasi kjo nënndarje në dekada i ofron shikuesve një vizion të qartë dhe dëshmon sipas një modaliteti linear, evolucionin e eksperimentit audioviziv të realizuar nga artistët.























