Veliu kërkon që në bisedime të përfshihet edhe posti i Presidentit
BKT
Lajme

Veliu kërkon që në bisedime të përfshihet edhe posti i Presidentit

Nënkryetari i LDK-së, Agim Veli ka insistuar që të definohen të gjitha çështjet në marrëveshjen mes LVV-së dhe LDK-së, duke përfshi edhe atë të Presidentit.

Veliu ka thënë për RTV Dukagjini se nuk she ndonjë rrezik të theksuar në bisedimet që po zhvillohen mes LVV-së dhe LDK-së, për koalicionin e ardhshëm qeverisës dhe ka pohuar se në bisedime duhet të definohet edhe çështja e presidentit.

“Kushtëzimet nuk janë të shëndetshme. Gjatë bisedave, është mirë që të definohen të gjitha çështjet që të mos futemi në një krizë, kur i skadon mandati presidentit”, tha Veliu.

Ai tha se LDK ka shumë figura që mund të jenë konsensuale, por figura e Mustafës është njëra prej figurave më të rëndësishme në këtë rast.

Ai ka folur edhe për rënien e numrit të votave për LDK-në në Gjilan.

“Në Gjilan ka rrëshqitë pak situata dhe me një angazhim të Lutës në zgjedhjet terja, Luta do ta rikthejë besimin sërish atje, sepse është njëri nga njerëzit më kredibil”, shtoi ai.


MË SHUME NGA Lajme