21:54 / 07.11.2019
Haradinaj: Kadri Veseli do ta mbrojë pastërtinë e luftës me dinjitet
Kryeministri në detyrë, Ramush Haradinaj, ka thënë se Kadri Veseli do ta mbrojë pastërtinë e luftës me dinjitet.
Ai ka komentuar kështu pas pranimit të ftesës nga Gjykata Speciale prej anës së liderit të PDK-së.
"Kadri Veseli, si një nga udhëheqësit e Ushtrisë Çlirimtare të Kosovës ka luftuar kundër shtypjes dhe mizorive të Serbisë mbi popullin e Kosovës, si çdo luftëtar i lirisë, dhe do ta mbrojë pastërtinë e kësaj lufte me dinjitet. I bindur se edhe kësaj radhe do të ngadhënjejë e vërteta dhe e drejta jonë.
RH", ka shkruar Haradinaj në Facebook.























